Proserbët në Mal të Zi fitojnë zgjedhjet me ndihmën e partisë së shqiptarit Abazoviç, që doli kundër Gjukanoviç.
Ata janë pjesë e koalicionit me Frontin Demokratik, partia më e madhe opozitare, njëherësh pro-serbe dhe pro-ruse, që ka garuar brenda koalicionit “Për ardhmërinë e Malit të Zi”, që udhëhiqet nga Zdravko Krivokapiq – një figurë jopartiake.
Koalicionet Shqiptare fituan në zgjedhjet embajtura dje 2 mandate.
Kryesuesi i “Listës Shqiptare” Nik Gjeloshi tha në mesazhin e fitores se “1800 vota i kanë partitë shqiptare e 2500 DPS, jemi mirënjohës për punën e bërë. Në Malësi triumf të thellë shqiptarët. Ne do të vazhdojmë projektin tonë pavarësisht rezultatit total, do investohemi edhe më shumë më tej”.
Qendra për Transicionin Demokratik ka deklaruar se deri tani janë numëruar 98,8 përqind e votave nga zgjedhjet parlamentare në Mal të Zi.
Deri më tani, janë përpunuar 265 nga 268 vendvotime apo 98.8% e votave.
Rezultatet janë si më poshtë:
1. Social Demokratët 4.13%
2. Partia Boshnjake 3.80%
3. SDP 3.09%
4. E zezë dhe e bardhë 5.53%
5. Koalicioni Shqiptar 1.37%
6. Vendimtar për Malin e Zi 35.44%
7. Për të ardhmen e Malit të Zi 32.82%
8. Lista shqiptare 1.54%
9. Paqja është kombi ynë 11.94%
