Nga Boldnews.al
Bashkia e Tiranës me 28 shushunja të cilët paguhen me para publike dhe me një tufë eunukësh dhe hajdutësh kompanish mediatike, të cilët përfitojnë fonde publike kanë nisur një fushatë shpifjesh dhe sharjesh.
Nuk mjafton censura që i ka bërë gjithë mediave print dhe audiovizive në vend, por tani dëshiron ti heq prizën dhe rrjetit online të internetit. Meqenëse këtë nuk e ka në dorë ta bëjë, Bashkia ka lëshuar zagarët e saj të lehin kudo për punët e lal Erit dhe duke sharë e shpifur për ata që thonë të vërtetën se lali Eri ka fshehur vdekjen e 17-vjeçarit Ardit Gjoklaj në Sharrë. Se lali Eri ka futur në dorë televizionet dhe gazetat në vend. Se lali Eri largon gazetarë nga puna dhe heq nga transmetimi emisione, të cilat nuk çojnë ujë në mullirin e tij. (Rasti i fundit ishte censurimi i emisionit Publicus)
Tashmë e vërtetuar me zë me figurë dhe me dokumente të firmosur nga vetë Erion Veliaj se klientët e tij të kompanisë 3 R janë përgjegjës për ngjarjen e ndodhur në Sharrë. Lali Eri u bëri thirrje të gjithëve të shkojnë të punojnë në Sharrë për të jetuar me dinjitet. Se si mund t’u bëhet thirrje të gjithëve të punojnë në pastrim plehrash vetëm kur je vetë i tillë, siç është lali Eri mund ta kuptosh.
Thirrja e lali Erit e çoi Ardit Gjoklajn në Sharrë. Sot e gjithë ditën, dy muaj nga ngjarja tragjike kryebashkiaku i fasadave nuk i përmend emrin viktimës 17-vjeçar. Për të mbuluar atë që ka ndodhur, zyra e tij e propagandës, duke filluar nga këshilltari i tij Renato Kalemi bëjnë shkrime dhe i publikojnë në portalet që financojnë po vetë apo dhe në media që kanë interesa direkte në bashki, veçanërisht për çështjen e plehrave si Karlo Boliono.
Kuptohet (lexo me kujdes) sa herë që është fjala për plehra, import plehrash ose kuptimi i mirëfilltë i fjalës “plehrë”, aty shfaqet vetë ai i singjashmi Karlo Bolino. Por fatmirësisht ka media që e kanë kuptuar këtë lojë të pistë dhe nuk pranojnë të publikojnë shkrimet pa emër që dërgon zyra e propagandës se bashkisë, pavarësisht lutjeve të ndyra alla lali Eri. “Të lutem lal! Ma bëj këtë nder lal. Do shpërblehesh lal”.
Dhe për këtë arsye, fushata e shpifjeve që ka qëllim të tërheqë vëmendjen nga skandali ku është zhytur kryebashkiaku, është përqendruar tek disa blogje, përfshirë dhe atë të Karlo Bolinos .
Italiani i dyshimtë që i hapen të gjitha dyert në Shqipëri, ndoshta për shkak të së shkuarës së tij të errët. Por me këtë çështje do të merremi në shkrimin e radhës.
