Dy shpërthime të fuqishme janë regjistruar në një qytet jugor të Filipineve, të cilat iu morën jetën 14 personave dhe plagosën mbi 75 të tjerë.
Shpërthimet ndodhën një orë larg njëri-tjetrit në qytetin e Jolos, në provincën Sulu. Autoritetet dyshojnë se ato janë organizuar nga militantët islamikë të lidhur me grupin Abu Sayyaf.
Një zëdhënës i presidentit Duterte i cilësoi ato si sulme terroriste dhe u shpreh se ishin më të rëndat që ishin regjistruar në vend gjatë këtij viti.
Deri në këto momente asnjë grup nuk e ka marrë përgjegjësinë për sulmet me bombë, por jugu i Filipineve ka qenë prej vitesh një bazë e militantëve islamikë, të cilët kanë sjellë dhunë të vazhdueshme.
