Në një intervistë për “People”, Paris Hilton ka rrëfyer se paraja nuk sjell gjithmonë lumturi.
Teksa shumë vajza e kanë zili për jetën luksoze mes festave të ndryshme, pushimeve në vendet më të bukura apo për makinat dhe veshjet e shtrenjta, Paris ka zbuluar së fundmi se ka edhe një të kaluar aspak të këndshme.
Duket se ajo ka kaluar një periudhë mes dhunës fizike dhe asaj psikologjike.
Disa javë para publikimit të dokumentarit të saj ‘This is Paris’ ( 14 shtator në youtube) ylli amerikan ka folur për abuzimet që pësoi në adoleshencë.
“Kam qenë 11 muaj në një shkollë-konvikt në Utah, ku më bërtisnin pa fund, më bullizonin të gjithë shokët e shoqet, ndërsa kujdestarët e punonjësit në konvikt më rrihnin.”
Në një intervistë për “People”, Paris ka rrëfyer për jetën e saj në Nju Jork, arratisjet e vazhdueshme, dashurinë për jetën e natës dhe vendimin e prindërve për ta transferuar atë në konvikt.
“Duhej të ishte një shkollë por nuk ishte e tillë. Punonjësit në konvikt dhe në shkollë më thoshin gjëra të tmerrshme që më bënin të ndihesha në siklet me veten time. Mendoj që qëllimi i tyre ishte që të na shkatërronin. Kujdestarët në konvikt ishin të dhunshëm fizikisht më rrihnin, donin të ngjallnin frike tek ne”, ka treguar Paris Hilton.
