Një makinë është djegur pak pas mesnate në Tiranë.
Ngjarja ka ndodhur në rrugën “Rrapo Hekali”, tek “Kodra e Diellit” ndërsa siç raporton policia, mjeti ishte në pronësi të një femre.
Flakët e kanë shkrumbuar tërësisht makinën e parkuar.
Nuk dihet nëse zjarri është shkaktuar nga një defekt teknik apo është ndezur qëllimisht.
Megjithatë grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
