Ardian Gjoklaj rrëfen në emisionin “Públicus” momentet prekëse kur u njoftua për lajmin për ndarjen nga jeta të 17-vjeçarit Ardit Gjoklaj.
Ardiani aktualisht studion në shkollën profesionale teknike, për hidraulik. Por pavarësisht se ka zgjedhur një profesion, profesional, ai gjeti hapësirë për punë vetëm në landfillin e Sharrës. Ai ka punuar pak javë përpara se të humbte jetën vëllai i tij Arditit.
Sot Ardiani është dëshmia e gjallë që tregon sesi punohej në landfill, dhe vecanërisht në kompaninë 3R, ku humbi jetën vëllai i vetë.
“Na dhanë vetëm një dorezë për të punuar, nuk kishim asnjë uniformë apo kushte normale. Janë aksidentuar shumë persona në atë vend, madje një burrë ka thyer këmbën dhe ditën e rrogës erdhi me këmbë të thyer. Ne merrnim një pagë prej 800 lekësh deri në 1000 lekësh në ditë, turni i tretë. Kishte shumë persona të pasiguruar, madje disa prej tyre ishin edhe të mitur, rreth moshës 15 vjeçare.”- shprehej Ardian Gjoklaj në rrëfimin për “Públicus”
Vëllai i tij, Ardit Gjoklaj nuk vdiq nga aksidenti, por ai ishte një vdekje e paralajmëruar, për shkak të mungesës së kushteve sigurisë, për shkak të manisë dhe babazësi për të fituar sa më shumë me krahun e lirë punëtor, për shkak të papërgjegjshmërisë së Bashkisë së Tiranës që u bëri thirrje për të filluar punë në landfill por nuk u siguroi kushtet për punësim.
Nga Boldnews.al
