Ardian Galdini, kreu i partisë LRE ka zbuluar përmes një statusi në FB se fotografia e tij është përdorur në një paportë të falsifikuar.
Galdini ka publikuar dokumentin, ndërsa i ka bërë apel autoriteteve të hetojnë.
Në reagimin në rrjetin social, ai shkruan:
“Si mund të arrihet deri këtu?
Si mund të bëhet vjedhje e tillë identiteti dhe keqpërdorimi i identitetit tim, i fotove të mia dhe të dhënave të mia?
Këtë foto të këtij dokumenti të fallcifikuar me foto të miat dhe duke krijuar një identitet të rremë me të dhënat e mia personale sapo ma nisën disa miq të huaj.
Kjo është e patolerueshme.
U kërkoj autoriteteve shtetërore që të bëjnë hetimet dhe të zbulojnë se kush është dhe kush fshihet pas këtij maskaralliku ku përdoren fotot e mia dhe të dhënat e mia.
Unë e kuptoj luftën politike sikurse kuptoj edhe krimin ordiner, por që të mos biem kaq poshtë sa të mendojmë e dyshojmë se lufta politike po bëhet me mjete të krimit ordiner, kundër meje, pres që strukturat e posaçme të hetimit dhe sigurisë të hetojnë e sqarojnë këtë fëlliqësi që është bërë me fotot e mia dhe të dhënat e mia personale.
Lufta politike le të qëndrojë ballë për ballë me mua.
Jam i gatshëm të përballem.
Kaq”.
