Një 28-vjeçar është transportuar në gjendje të rëndë në spital pasi është qëlluar me mjet të mprehtë nga një bashkëmoshatar i tiji, në Berat. Autori ndërkohë, është vënë në pranga.
“Nga Specialistët e Seksionit për Krimet u bë arrestimi në flagrancë i shtetasit N.K, 28 vjeç, banues në lagjen ‘Kushtrim’, Berat. Arrestimi i tij u bë pasi në lagjen ‘Kushtrim’, për motive të dobëta, ka goditur me send të mprehtë në trup, shtetasin Sh.K, 28 vjeç, banues po në lagjen ‘Kushtrimi’”, njoftoi policia lokale.
Shtetasi mori mjekim në Spitalin Rajonal Berat dhe më pas në gjendje të rëndë, u shoqërua për mjekim në Spitalin e Traumës Tiranë, shtuan të njëjtat burime.
Ndaj autorit është ngritur akuza për veprën penale “Plagosje e rëndë me dashje”.
