Keni dëgjuar ndonjë njeri ju që shkon në vaki dhe pastaj del e bërtet në mes të rrugës që hodha 50 mijë lekë apo hodha 100 mijë lekë? E bën kryeministri.
Ato 500 mijë lekët e qeverisë as i zgjidhin punë dhe as ja lehtesojnë dhimbjen e tmerrshme familjes. Fare. Atyre u iku drita e syve, dhe nuk u hyn hic në sy sikur edhe miliarda t’i jepte qeveria.
Megjithatë shumë mirë qe e ndihmuan. Por ajo ndihma mund të jepej edhe pa publicitet. Pse duhej ngritur megafoni që i dhamë familjes kaq lekë? Se është e neveritshme, jo për gjë.
Përtej kësaj, ndihma më e vlefshme që qeveria mund t’i jepte familjes, por edhe vetes, është të lejojë një hetim të hollësishëm dhe të pavarur të ngjarjes dhe të mos japë pretenca si prokuror, që fëmija i preu rrugën ambulancës. Atë e përcaktojnë hetimet.
