Gjykata e Krimeve të Rënda ka lëne në burg 26-vjeçarin Dario Prifti i cili u arrestua pak ditë më parë me akuzën e shfrytëzimit të prostitucionit dhe trafikimit të qenieve njerëzore.
Prifti u prangos nga policia e Tiranës pas kallëzimit që ndaj tij bëri e dashura se do ta trafikonte për prostitucion.
Në momentin e arrestimit Priftit ju sekuestrua një fuoristradë “Porsche Cayen” dhe një veturë “Ferrari” ndërsa në gjykatë ato rezulton se nuk i përkisnin Priftit por personave të tjerë nga Durrësi e Laçi.
Ndërkohë avokati i Priftit, Detar Hysi, kërkoi nga gjykata lirimin e të riut me pretendimit se po shkelen të drejtat e njeriut pasi kallëzimi nga e dashura e 26-vjeçarit është tërhequr dhe ndaj tij s’ka më asnjë akuzë.
Sipas policisë, i riu iu ofronte vajzave lidhje intime por sapo i nxirrte jashtë shtetit i nxirrte në rrugë si prostituta.
