Atletico Madrid u eliminua nga Leipzig në çerekfinalet e Ligës së Kampioneve 1-2. Një humbje që dhemb për Atletickon, të cilët shiheshin si favorit, por që nuk ia dolën të fitonin përballë gjermanëve.
Trajneri i “Los Clochoneros”, Diego Simeone foli për Sky Sport pas përfundimit të ndeshjes, ku u shpreh se ekipi i tij dha gjithçka në një sezon mjaft të gjatë.
“Dhamë gjithçka që kishim. Ishte e vështirë të fitonim duelet, pasi ata ishin shumë të shpejtë. Ka qenë një vit i gjatë, me 60 ditë pushim. Pastaj erdhi presioni i rikthimit të Champions League. Kishim edhe një tjetër javë pushim para se të ktheheshim në stërvitje.
Nuk kemi qenë në gjendje të luajmë sikurse kemi dashur. Më pëlqeu RB Leipzig. Ishin të vendosur, kishin entuziazëm dhe freski. Kjo na kushtoi dhe nuk kam asnjë justifikim. Ne dhamë maksimumin dhe arritëm në çerekfinale. U eliminuam në mënyrë të drejtë dhe duhet të përgëzojmë kundërshtarin tonë”.
