Një burrë në Indi ka vrarë veten, Dyshohet se ka ndodhur për shkak të mungesës së seksit. Gruaja e tij, Geeta Parmar, 32 vjeç, banore në Maninagar në Gujarat, u arrestua së fundmi me akuzën se ajo ka nxitur vetëvrasjen e bashkëshortit.
Këtë ankesë në polici e kishte bërë vjehrra e saj. Muli Parmar, 55 vjeç, pretendon se Geeta nuk kishte bërë seks me burrin e saj, Surndrasinh, gjatë 22 muajve martesë bashkë. Ajo u shpreh se mungesa e seksit e la djalin e saj në stres mendor pasi lidhja e tyre dështoi.
Ndër të tjera vjehrra zbuloi se ata ishin duke fjetur në krevate të ndryshme dhe këtë gjë e kuptoi kur kishte shkuar për vizitë tek shtëpia e tyre.
‘Surndrasinh i kishte treguar nënës së tij se ai dhe Geeta nuk kishin marrëdhënie fizike’, thuhet në raportin e policisë.
Muli pretendon se Geeta kishte marrë vendimin se nuk do kryente asnjëherë marrëdhënie seksuale me burrin e saj dhe kjo gjë e kishte dëshpëruar burrin, ka raportuar “Times of India”.
Punonjësi i hekurudhës u martua me Geeta, gruan e tij të dytë, në tetor 2018 pas një divorci dy vjet më parë.
Çështja është nën hetim nga policia Shaherkotda në Ahmedabad, Gujarat.
