Kryeministrja finlandeze Sanna Marin ka vendosur që të çojë historinë e saj të dashurisë në një fazë tjetër. 34-vjeçarja ka publikuar në Instagram disa imazhe nga martesa e saj. Sanna Marin shijon romancën prej 16 vitesh me Markus, me të cilin gëzon edhe një vajzë.
“Sanna dhe Markus, prindër të një vajze dy vjeç e gjysmë, u martuan në rezidencën zyrtare të kryeministrit, në prani të familjes dhe miqve më të ngushtë”, thuhet në njoftimin e kabinetit të saj.
Në imazhin e publikuar në rrjete sociale shfaqet me një fustan të bardhë, tufë lulesh në dorë, me bashkëshortin e saj, Markus Raikkonen. Social-demokratja Sanna Marin u zgjodh në dhjetor të vitit të kaluar si kryeministre i Finlandës.
