Një shtetas 55 vjeç ka humbur jetën si pasojë e një aksidenti rrugor në aksin Elbasan-Peqin. Një makinë tip ‘Suzuki’ dhe një ‘Benz’ janë përfshirë në aksident.
Sipas policisë, viktima është shtetasi Agim Neziri, 55 vjeç, banues në Tiranë, i cili ishte pasagjer në automjetin tip Suzuki.
“Në aksin rrugor Elbasan- Peqin, mjeti tip ‘Suzuki’ me drejtues shtetasin H.R., 67 vjeç, banues në Elbasan, është përplasur me mjetin tip ‘Benz’ me drejtues shtetasin M.K., 38 vjeç, banues në Maqedoninë e Veriut.
Si pasojë e aksidentit ka ndërruar jetë shtetasi A. N., rreth 55 vjeç, banues në Tiranë, i cili ishte pasagjerë në mjetin tip ‘Suzuki’, si dhe janë plagosur lehtë të dy drejtuesit e mjeteve.
Grupi hetimor ndodhet në vendngjarje dhe po punon për zbardhjen e shkakut të aksidentit”, thuhet në njoftimin e policisë.
