Bllokimi i merkatos së Partizanit dhe Kukësit është një nga çështjet më kryesore aktuale në futbollin shqiptar. Dy ekipe që gjithmonë kanë pasur objektiva të mëdha, gjenden përballë një situate të tillë. Çështja Çinari tek të kuqtë dhe mos-korrektësia në pagesë ndaj ish-lojtarit të Kukësit Zderic kanë ”trazuar ujërat” jo pak. Në një lidhje me ”Syri TV”, menaxheri i njohur shqiptar, Andi Matraxhiu sheh ”dritë në fund të tunelit”, teksa shprehet se gjithçka do zgjidhet.
”Nuk është një imazh i mirë që krijojmë. Mendoj se si Partizani, ashtu edhe Kukësi, do të lirohen nga ky penalitet mjaft shpejt. Kam informacionin që lojtari i Kukësit, (Filip Zderiç) ka abandonuar stërvitjet. Drejtuesit e kanë dërguar tek ekipi B, por nuk ka pranuar dhe është larguar në mënyrë të njëanshme. Edhe për Partizanin ka një nxitim.
Mund të jetë nxituar disi Partizani, pasi Çinari kishte një situatë të komplikuar. Drejtuesit duhet të kishin bërë pak më tepër kujdes, pasi për Çinarin ishte situata e koklavitur. Ndaj shpresoj që edhe Partizani ta zgjidhë këtë problem. Kupa?Teuta është më e avantazhuar, pasi ka më tepër motivim. Tirana më duket paksa e velur me titullin që fitoi. Mendoj se do të jetë një ndeshje” – thotë mes të tjerash Matraxhiu.
