Kryeministri Edi Rama, i shoqëruar nga ministri i Shtetit për Rindërtimit, Arben Ahmetaj, ka inspektuar punimet në shkollën “Llesh Nik Daka”, në Lezhë.
Në zonat e prekura nga tërmeti do të rindërtohen 143 shkolla të reja, ndërsa Rama nuk ka nguruar që të japë direktivat e tij inxhinierëve në terren, duke iu kujtuar dhe afatin se shkolla duhet të jetë gati në 26 nëntor.
“Besoj brenda një muaji të mbarojë konstruksioni, kurse si objekt besoj në fund të dhjetorit”, shprehet një nga punonjësit.
Por i menjëhershëm ka qenë reagimi i Ramës, i cili tha “në fund të dhjetorit “Lezha konstruksion” futen në listë të zezë. Në 26 nëntor do të hapni derën. Fiksoje këtë që ta dish. Punoni me katër turne po të doni”.
Dhe pas këtij paralajmërimi, duket se për Kryeministrin kanë rëndësi datat dhe jo cilësia e punës.
Postimi
RINDËRTOJMË 🤝 BASHKË
LEZHË – Në shkollën “Llesh Nik Daka”, sot kantier ndërtimi, më 26 nëntor gati për të pritur 535 nxënës👫🧑💻🏫
Ndryshe nga më parë, shkolla e mesme e bashkuar “Llesh Nik Daka” do të ketë ambiente për të gjitha funksionet e një shkolle dhe qendre komunitare, laboratorë, kënde sportive, mjedise shërbimesh, infrastrukturë moderne me e sigurtë dhe me kushte optimale🤝
👉 143 shkolla të reja në zonën e prekur nga tërmeti do të jenë një model shembullor i ambicjes sonë për Shqipërinë🇦🇱☀️
