Një aksident automobilistik ka ndodhur pasditen e sotme në Shkodër, ku një mjet i forcave zjarrfikëse është përplasur me një makinë tip “Ford”.
Zjarrfikësja po shkonte për të shuar një vatër zjarri, teksa është përplasur me mjetin. Ngjarja ka ndodhur në lagjen “Rus”.
Fatmirësisht nuk raportohet për persona të lënduar por vetëm për dëme materiale.
Shkak për përplasjen dyshohet se ka qenë mosrespektimi i shenjave të qarkullimit rrugor dhe shpejtësia.
Grupi hetimor vijon punën për zbardhjen e plotë të aksidentit.
