Përditësuar/ Ministria e Shëndetësisë ka reaguar lidhur me ndarjen nga jeta të 27-vjeccarit në Spitalin Infektiv. Ministria konfirmon se ai ishte pozitiv me koronavirus – asimptomatik – dhe rastin nuk e klasifikon si “humbje jete” nga COVID.
MSH sqaron se i riu ka ndërruar jetë si pasojë e aksidentit vaskular cerebral.
“Ministria e Shëndetësisë sqaron se, referuar shërbimit infektiv, një i ri 27 vjeçar nga Kavaja, ka ndërruar jetë si pasojë e aksidentit vaskular cerebral. 27 vjeçari vuante nga një sëmundje e lindur e gjakut dhe ishte asimptomatik për COVID-19. Ministria e Shëndetësisë i shpreh ngushëllime familjes”, njofton ministria.
***
Vetëm 27 vjeç! Ndërron jetë i infektuari me koronavirus te ‘Infektivi’
Regjistrohet një tjetër viktimë në moshë të re i infektuar me koronavirus, në Spitalin Infektiv. Sipas News 24, se ka ndërruar jetë një 27-vjeçar nga Kavaja, i cili vuante dhe nga talasemia.
I riu ishte shtruar prej katër ditësh në ‘Infektiv’ dhe fatkeqësisht nuk ka mundur të jetojë.
Teksa informoi për bilancin ditor ditën e Enjte, Ministria e Shëndetësisë bëri me dije se nga COVID-19, që nga nisja e pandemisë, janë vend janë shënuar 123 humbje jete.
