Ministrja e Shëndetësisë, Ogerta Manastirliu kritikoi kolegët e saj në kuvend për mos mbajtjen e maskës gjatë seancës plenare.
Ministrja tha se ata duhet të jenë shembulli për çdo qytetar, pasi mbajtja e maskës mbron jo vetëm ata vetë, por dhe kolegët e familjet e tyre.
Manastirliu theksoi se aktualisht ka mbi 120 pacientë me Covid-19 të shtruar në dy spitalet Covid dhe se së shpejti ‘do të ezaurohen kapacitetet e dy spitaleve’.
Ajo i bëri thirrje deputetëve dhe qytetarëve që të mbajnë maska në ambientet e mbyllura dhe në ambientet e hapura ku nuk mund të ruhet distance prej 2 metrash, si e vetmja mënyrë për të ulur numrin e të infekturve, e më pas numrin e të shtruarve me Covid-19 në spitale.
