Ish-ministri i Drejtësisë, Ylli Manjani, përmes një postiimi në rrjetet sociale, shkruan se opozita ka vetëm dy rrugë: ose të përballet me Edi Ramën me çdo mjet, ose të ulet me të për përgatitjen e zgjedhjeve.
Manjani shprehet se Nëse kjo e dyta është rruga që do ndiqet, pa dyshim që duhet të ndërtohet një shtrat rregullash të gjithpranuar.
“Deri më 5 qershor, Edi Rama nuk kishte dëshirëntë hapte sistemin, por ta kapte atë.
Me 5 qershor pasi nuk e kapi, e hapi. Pabesisht, në kundërshtim me standartet e OSBE, kundër aleatëve që na i kishte venë në krye të vendit. Plotësisht dakort!”, shkruan Manjani.
Postimi nga Ylli Manjani
Opozita shqiptare ka dy rrugë për të ndjekur:
1. Të përballet me çdo mjet me pushtetin monist të Edi Ramës deri në largimin e tij. Kjo rrugë nuk mbaron me zgjedhje për me përplasje fizike.
2. Të përgatisë vendin për zgjedhje. Por këtë detyrë duhet ta bëjë në bashkëpunim me Edi Ramën.
Nëse kjo e dyta është rruga që do ndiqet, pa dyshim që duhet të ndërtohet një shtrat rregullash të gjithpranuar.
Deri më 5 qershor, Edi Rama nuk kishte dëshirëntë hapte sistemin, por ta kapte atë.
Me 5 qershor pasi nuk e kapi, e hapi.
Pabesisht, në kundërshtim me standartet e OSBE, kundër aleatëve që na i kishte venë në krye të vendit. Plotësisht dakort!
Por what’s next?!
Gjithnjë nëse opozita ka si drejtim strategjik zgjedhjet, duhet të ulet me Edi Ramën dhe të hapin një diskutim serioz për sistemin zgjedhor.
Nëse Ramës, Kryetarit të qeverisë e të OSBE nuk i plas për standartin, atëhere përse duhet ti plasë Opozitës?!
Kjo e fundit ka deklaruar se do ta ndryshojë sistemin. Pra nuk është në një terren të panjohur… Le ta hapin tani këtë diskutim, që të mbyllen njëherë e mirë sajesat e pista me hapje listash e hapje barku.
Në çdo rast, pa shumë kosto, bujë e energji të harxhuar, një proporcional rajonal me 4 rajone bëhet fare kollaj edhe pa ndryshuar Kushtetutën. (Po të ishte në binarë llogjikë e normalë, për këtë duhet të bënte betejë ajo lesh-opozitë e mbetur në parlament, e jo për listat e hapura. Këto të fundit asaj nuk i duhet hiç, po hiç fare. Po nejse, punë leshi kjo puna e tyre…)
Mjafton ligji për ndarjen administrative e territoriale.
Me thënë të drejtën një proporcional rajonal me 4 rajone i bën thuajse të pakuptimta koalicionet parazgjedhore.
Konkurrimi me 12 qarqe e bën të domosdoshëm koalicionin për të mbledhur çdo votë kundër qeverisë në një terren elektoralisht të fragmentuar.
Gjithmonë kjo vlen nëse është në lojë opsioni zgjedhje…
