Ministria e Shëndetësisë tha sot se në 24 orët e fundit janë konfirmuar 68 raste të reja me Covid-19, një prej të cilave në Elbasan.
Nga raportimet mësohet se i infektuari në Elbasan është një 53-vjeçar që punon si roje në Spitalin Psikiatrik të Elbasanit.
Dyshohet se ai është infektuar nga bashkëshortja e tij që punon si sanitare në spitalin e Elbasanit.
Pas konfirmimit të dy prindërve, është vetë-izoluar një prej fëmijëve të tyre. Djali i karantinuar punon si roje në Drejtorinë e Shfrytëzimit të Automjeteve në Elbasan.
Ambientet e kësaj të fundit, për pasojë, janë dezinfektuar.
Elbasani ka 48 raste aktive me koronavirus, ndërsa në ditët e fundit janë raportuar raste infeksionesh në personelin shëndetësor të spitalit.
