”Sot, më datë 21 korrik, në orën 19:00, Kryeministri, Edi Rama, dhe Kryetari i Grupit Parlamentar të Partisë Socialiste, Taulant Balla, do të takohen me kryetarët e grupeve parlamentare të opozitës. Takimi do të zhvillohet në Kryesinë e Kuvendit”, bëhet e ditur në një njoftim nga Kryeministria.
Takimi në fjalë vjen pas atij mes Kryeministrit dhe diplomates amerikane Yuri Kim.
Në takim, është diskutuar edhe mbi marrëveshjen e 5 qershorit të Këshillit Politik.
Takimi Rama-Kim vjen një ditë pas rimbledhjes së Këshillit Politik për Reformën Zgjedhore, në të cilën ishte i pranishëm dhe vetë Kryeministri.
Më herët, si ambasadorja e SHBA, dhe ai i BE-së e UK-së, janë shprehur se Parlamenti duhet të miratojë draftin e amendimeve në Kodin Zgjedhor sipas marrëveshjes së 5 qershorit, duke mos bërë asnjë ndryshim.
Kryeministri Edi Rama ka insistuar në hapjen e listave të kandidatëve, por edhe në një foorat të ri koalicionesh paraygjedhore.
