Ministria e Shëndetësisë ka raportuar sot se në 24 orët e fundit, në spitalin Infektiv dhe atë Shefqet Ndroqi 4 qytetarë nuk e kanë fituar dot betejën me Covid-19.
Sipas ministrisë kanë vdekur një 67 vjecare nga Tirana e një 82 vjecar nga Vlora te Infektivi.
Dy të tjerët një 75 vjecare nga Malësia e Madhe dhe një 80-vjecar nga Tirana kanë vdekur te Covid 2, Shefqet Ndroqi.
“Në 24 orët e fundit, nuk e kanë fituar dot betejën me sëmundjen 4 qytetarë: Një 67 vjeçare nga Tirana dhe një 82 vjeçar nga Vlora në spitalin Infektiv dhe në spitalin “Shefqet Ndroqi” një 75 vjeçare nga Malësia e Madhe dhe një 80 vjeçar nga Tirana, me sëmundje bashkëshoqëruese. Ministria e Shëndetësisë dhe Mbrojtjes Sociale i shpreh ngushëllimet familjarëve”, tha Ministria.
Deri më tani kanë humbur jetën si pasojë e Covid-19, që nga fillimi i pandemisë 117 qytetarë.
