Të shtëna me armë zjarri janë dëgjuar këtë pasdite në lagjen ‘28 nëntori’ në Elbasan.
Nga të dhënat e para dyshohet për një viktimë të identifikuar si Emiljano Ramazani, 39 vjeç.
Mësohet se autorët janë larguar me një automjet drejt Peqinit, të cilin e kanë djegur drejt zonës së ‘Bradasheshit’.
Në drejtim të Elbasanit kanë shkuar forcat RENEA dhe FNSH. Mësohet se i riu është qëlluar nga një automjet në lëvizje.
Emiljano Ramazani është një person me precedentë të mëparshëm penalë. Burime për mediat bëjnë me dije se i riu është arrestuar më parë për shpërndarje kokaine.
