Presidenti, Refik Halili, e arriti qëllimin e tij dhe e shpalli Tiranën kampione të Superligës. Halili gjithmonë kishte deklaruar se ëndrra e tij ishte që ekipi të fitonte titullin dhe të luante në Champions League, gjë tashmë e bërë realitet.
Tirana kështu shpëton nga makthi i disa sezoneve më parë, me bardheblutë që u kualifikuan dhe luajtën në Europë, por nuk mundën të nxirrnin të ardhura financiare.
Një skenar që Tirana rrezikonte t’i përsëritej, pavarësisht sforcove të mëdha, duke humbur më shumë se 700 mijë euro nga e drejta televizive dhe paratë e UEFA-s.
Tashmë me lirimin e kushteve, veç titullit, situata është në favor të bardhebluve, pasi tani grumbullojnë para pa fund që shkojnë deri në 1 milion euro.
