Barcelona ka arritur të shënojë tre gola brenda 20 minutash ndaj Alaves duke mbyllur kështu historinë e kësaj ndeshje që në pjesën e parë. Ansu Fati zhbllokoi ndeshjen në minutën e 24-t, dhe brenda 45 minutave të para Barcelona ka shënuar edhe dy gola të tjerë.
Ekipi katalanas nuk ia doli të fitonte garën për titull me Real Madrid dhe sot po e mbyll me një goleadë sfidën e fundit të këtij sezoni në La Liga.
Pasi i dhuroi asistin e golit talentit Fati (21 asiste këtë sezon), Leo Messi gjeti golin në minutën e 34-t (goli i 24-t dhe golashënuesi më i mirë i kampionatit spanjoll), pas një veprimi shumë të bukur në zonën kundërshtare.
Barça nuk u ndal dhe trefishoi një minutë përpara mbylljes së pjesës së parë. Aksion shumë i bukur i miqve, Messi dhuron një top fantastik për Jordi Alba në krahun e majtë, mbrojtësi anësor pason për Luis Suarez, me uruguaian që shënon me kokë, duke gjetur golin e 16-të në kampionat.
