Një lëkundje tërmeti është regjistruar mëngjesin e sotëm në zonën e Durrësit dhe Tiranës. Tërmeti ka qenë me magnitudë 3.2 Rihter dhe është ndjerë rreth orës 06:56.
Epiqendra e tërmetit është regjistruar në detin Adriatik, 36 km në veriperëndim të Tiranës dhe nuk raportohen dëme materiale.
Që prej tërmeteve të fuqishëm të shtatorit dhe të nëntorit të vitit të kaluar, në vendin tonë janë regjistruar nga mijëra pasgoditje, që sipas ekspertëve janë tërësisht normale, për shkak se tërmetet me një fuqi të lartë shoqërohen nga paqëndrueshmëri të tilla sizmike.
