Sapo kanë përfunduar 4 sfidat e fundit të vlefshme për “Play-Off”-in e Kategorisë së Parë, në Grupin A dhe B.
E gjithë vëmendja ishte te finalja e vendit të dytë, mes Pogradecit dhe Lushnjës, e cila u fitua nga liqenorët me rezultatin 1-0 falë golit të Peres.
Me këtë fitore pogradecarët e mbyllin sezonin në vendin e dytë dhe do të përballen me Besëlidhjan, që ishte skuadra që zuri vendin e dytë në Grupi A.
Fituesi i këtij çifti do të luajë më pas me vendin e 8-të të Kategorisë Superiore, ku do të vendosen dhe fatet e sezonit.
Kujtojmë që Apolonia dhe Kastrioti zunë vendet e para në grupet respektive duke siguruar automatikisht ngjitjen në Superiore.
