Avokati Ledio Braho i cilësoi “grusht shteti”, ndryshimet kushtetuese të mbështetura nga mazhoranca dhe një pjesë e opozitës parlamentare.
Në një internistë televizive, Braho shpjegoi dhe pasojat që do të sjellin ndryshimet, nëse miratohen.
“Mazhoranca ka thënë që do miratojë marrëveshjen e 5 qershorit. Duhet të jemi parasysh që marrëveshja e 5 Qershorit është ndryshime në Kodin Zgjedhor. Pra, do të miratojnë ndryshime në Kodin Zgjedhor. Pastaj, ata do të miratojnë ndryshime kushtetuese. Por, këto ndryshime kushtetuese do vijnë me ndryshime të tjera të Kodit Zgjedhor dhe me ndryshime shumë të thelluara. Sepse, do prekin pjesën e listave, pjesën e komisioneve zgjedhore, të numërimit të votave, të përllogaritjeve së mandateve, koalicioneve. Pra, pothuajse do të kemi një Kod Zgjedhor të ri dhe për të pasur një Kod Zgjedhor të ri të miratuar, duhet të kalojnë disa muaj”, tha avokati.
“Pra Kodi Zgjedhor me të cilin supozohet të bëhen zgjedhjet e vitit 2021, do jetë një Kod Zgjedhor që do hyjë në fuqi të paktën në muajin Tetor ose Nëntor. Dhe imagjinoni nga Tetori apo Nëntori të bësh zgjedhje në Prill dhe në Maj me atë Kod Zgjedhor. Pra do të sjellë një çoroditje totale për sa i përket administrimit të votës, do të sjellë një çoroditje totale për sa i përket votuesve dhe e gjitha kjo patjetër që është në kuadrin e një grushti shteti për të pasur një rezultat në tavolinë. Dhe këtu kur flasim për zgjedhje duhet të kemi parasysh që kjo mazhorancë sot ka të gjitha bashkitë në vend, parlamentin totalisht, ka sistemin e drejtësisë totalisht, po ashtu ka dhënë kontrata koncesionesh PPP pa fund. Po ashtu, duhet të kemi parasysh mbjelljen e Shqipërisë me drogë, kontrolle ndaj Policisë së Shtetit nëpërmjet vetingut që po bëhet. Pra pothuajse ka kapur çdo strukturë ne vend. Dhe duke mos i dalë as këto në bazë të sondazheve siç duket, kërkon të përçajë opozitën përmes ndalimit të koalicioneve dhe të shpikë formula si këto që 1/3 është listë e mbyllur kurse 2/3 listë e hapur që nuk ekziston askund tjetër në botë”, tha ai.
“Të gjithë këto tregojnë se qëllimi është grushti i shtetit për të mbajtur pushtetin me forcën e kartonit”, e përfundoi arsyetimin avokati Braho.
Braho: Arsyet pse mazhoranca kërkon të kapë Kushtetuesen
Avokati Ledio Braho është shprehur se mazhoranca ka qëllim kapjen politike të Gjykatës Kushtetuese. Qëllimi, sipas tij, është për të mos rrëzuar ligjet antikushtetuese të miratuara nga mazhoranca.
Avokati Ledio Braho: Arsyet pse mazhoranca kërkon të kapë Kushtetuesen
