Kontrollet e rrepta shëndetësore kanë hyrë në fuqi në kufirin mes Greqisë dhe Bullgarisë, pas një rritje të rasteve me Covid-19 të lidhura me turizmin.
Duke filluar nga sot, të gjithë udhëtarëve që do të hyjnë në kufi do t’iu kërkohet të kenë një test negativ për COVID-19, të lëshuara në 72 orët e mëparshme dhe të përkthyer në anglisht.
Rregullat e reja krijuan një rënie të hyrjeve të mërkurën, në krahasim me ditët e fundit. Kufiri Promachonas – Kulata me Bullgarinë është i vetmi vendkalim që ka qenë i hapur për udhëtime jot ë rëndësishme, pasi masat e bllokimit u lehtësuan.
Ekspertët shëndetësorë që këshillojnë qeverinë duan zbatimin më të rreptë të rregullave të sigurisë shëndetësore, duke paralajmëruar se pajtueshmëria e publikut është e ulët pas disa muajsh mbyllje të rreptë.
Dhjetra punonjës të kujdesit shëndetësor organizuan një protestë përpara zyrës së kryeministrit për të kërkuar më shumë personel në spitalet publike për shkak të pandemisë.
