Ministria e Shëndetësisë në përditësimin e të dhënave për ditën e sotme bëri të ditur konfirmimin e 10 rasteve të reja në qarkun e Korçës.
Referuar të dhënave zyrtare, 10 rastet ndahen në 3 bashki të qarkut Korçë.
Në bashkinë e Kolonjës raportohet se janë personel shëndetësor, të cilët i kanë shërbyer rasteve të para me Covid-19 në këtë qytet.
Mjekët kanë qenë të izoluar përgjatë këtyre ditëve, ndërsa vetëm pasditen e djeshme rezultatet kanë dalë pozitive për të dy, duke e çuar tashmë qytetin e Ersekës me 4 raste aktive.
Përsa i përket bashkisë së Korçës, e cila ditën e sotme ka rezultuar me 7 persona të infektuar nga Covid-19, burime nga DSHP bëjnë të ditur se përveç kontakteve të afërta ka edhe vatra të reja, midis tyre edhe grupmosha të reja.
Mësohet gjithashtu se 1 prej rasteve është nisur drejt kryeqytetit.
Nga Bashkia e Pogradecit, paraqitet 1 rast, kontakt i afërt me rastet e fundit në qytet.
Rastet e njëpasnjëshme në qark ka bërë që numri në total të shkojë në 62.
