Britania e Madhe po bëhet gati për një valë të dytë të Covid-19 në fund të këtij viti. Deklarata është bërë nga shefi ekzekutiv i Shërbimit Kombëtar të Shëndetësisë, Simon Stevens, raportojne mediat.
Stafi i NHS-së kishte frikë se në muajin mars, numri i pacientëve të infektuar me COVID-19 do të ishte i papërballueshëm. Por, vetëm 128,737 pacientë me COVID-19 janë pranuar deri më tani në repart.
Por ekspertët thonë se pandemia nuk është shumë larg, dhe shumë më tepër njerëz pritet të infektohen në të ardhmen dhe shpërthimet e vatrave te tjera janë të pashmangshme.
Edhe tani, kur virusi është në pikën e tij më të ulët prej te pakten katër muajsh, shifrat e infektimeve dhe rasteve të reja mbeten ende të larta.
“Eshtë plotësisht e mundur që do të ketë [një valë të dytë],” tha ai, duke shtuar “veçanërisht nëse ai bashkëjeton me gripin. Rreziku është që shumë nga simptomat janë të ngjashme ose të njëjta, kështu që një nga gjërat për të cilat kemi nevojë është një shërbim shumë i rreptë i testimit dhe gjurmimit te popullates. Aftësia për të dhënë paralajmërime të hershme për spitalet ku ka rritje lokale”.
“Ne nuk e dimë ende nëse do të ketë një vaksinë Covid në dispozicion për kohën e dimrit”, shtoi ai.
Ekspertët kanë paralajmëruar në mënyrë të përsëritur që koronavirusi do të kthehet në Britani, por ka shpresë se shperthimet do te jene lokale, te menaxhueshme dhe kjo nuk do të kërkojnë një bllokim drastik mbarëkombëtar si ai i imponuar në mars.
Një nga planet kryesore për të zvogëluar ndikimin e një valë dimri të Covid-19 sipas tij, është vaksinimi i miliona njerezve kundër gripit.
