Emisioni i ri investigativ “Públicus” që transmetohet çdo të diel në orën 20:10 në Vizion Plus ka zbuluar mashtrimin e kryeministrit Edi Rama për laboratorin e mbetjeve.
Kamera e “Públicus” ka mundur të depërtojë në laboratorin e shumëpërfolur të Agjencisë Kombëtare të Mjedisit.
Është pikërisht ky laborator që është servirur nga kryeministri Rama si një nga garancitë më të mëdha se në Shqipëri nuk mund të hynë plehra te rrezikshme. Vetë Rama dhe mbështetësit e tij kanë folur për investime të mëdha, certifikim nga BE, trajnime etj.
Por në fakt realiteti që tregon kamera e Publicus ka nxjerrë në pah një skandal. Në 3 vite aty nuk ka ndryshuar pothuajse asgjë ndërsa shihet se ky laborator nuk ka aparatura dhe as kapacitete për të ekzaminuar kontaminimin nga mbetjet e riciklueshme. (Min 17:55-20:56)
Autori i programit, Artan Rama, ka shkuar vetë ta prekë nga afër këtë skandal duke i marrë në pyetje punonjësit, por ata janë përgjigjur se ndryshimi më i madh është hapësira me më shumë ambiente.
Pas këtij investigimi serioz bëhen edhe më të mëdha pikëpyetjet: Kur gënjeu edhe për këtë garanci çfarë interesash ka kryeministri me importin e plehrave?
Gjithashtu “Públicus” provoi se qeveria nuk i kishte dhënë mundësi kompanive shqiptare të riciklimit për të bërë menaxhimin e integruar të mbetjeve. Kjo pasi, mbetjet urbane shqiptare do të menaxhohen nëpërmjet koncesioneve që qeveria po u jep firmave të huaja.
Një tjetër detaj i transmetuar në materialin “Riciklimi” kishte të bënte edhe me krijimin e kompanive të reja përgjatë vitit 2014-2016. Kjo tregon se qeveria e kishte paramenduar që të hidhte në publik nismën ligjore që e rrëzoi 3 vjet më parë.
Më poshtë emisioni i plotë “Riciklimi”:
