Kryeministri Edi Rama raportohet se ka nënshkruar tërheqjen nga padia ndaj kreut të AAK-së Ramush Haradinajt. Dokumenti i publikuar në media mban datën e sotme dhe firmën e kreut të qeverisë shqiptare.
Rama paralajmëroi se do të tërhiqte padinë për shpifje që kishte bërë ndaj Haradinajt gjatë vizitës së fundit në Kosovë, duke deklaruar se ka më shumë gjëra që i bashkojnë sa sa i ndajnë.
Të Hënën, Haradinaj rezufoi një takim me Ramën, duke u shprehur se, nuk ka pranuar të takohet me kryeministrin shqiptar për arsye se ky i fundit e ka paditur.
Rama e paditi Haradinajn në janar të këtij viti për shpifje, lidhur me deklaratat që ky i fundit kishte bërë se po tenton të shkëmbejë territore. Ish-kryeministri i Kosovës e ka akuzuar Edi Ramën, që së bashku me Presidentin e Kosovës Hashim Thaçin dhe Presidentin e Serbisë Aleksander Vuciç, kanë nisur idenë e shkëmbimit të territoreve ndërmjet Kosovës dhe Serbisë.
Në një postim në FB, një ditë më parë, ish-kryeministri Sali Berisha deklaroi se ish Këshilltari i Sigurisë Kombëtare të Shtëpisë së Bardhë, John Bolton, “detyroi Ramen të tërheqë padinë ndaj Ramush Haradinajt”.
