KLSH shprehet se “ka paraqitur indicje penale” pranë Zyrës së Prokurorisë Tiranë, për shkeljet e konstatuara për shembjen e Teatrit Kombëtar si dhe parregullsi të tjera të konstatuara gjatë një auditi për periudhën kohore Janar 2018 – Dhjetor 2019.
KLSH i kërkon Qevrrisë dhe Bashkisë Tiranë rindërtimin e godinës së Teatrit Kombëtar në të njëjtën zonë dhe me të njëjtin stil dhe pamje arkitektonike që ajo ka pasur.
KLSH njofton se “i ka rekomanduar Ministrit të Kulturës, në cilësinë e Kryetarit të Këshillit Kombëtar të Restaurimeve dhe Këshillit Shkencor të IMK-së, marrjen e masave për përmirësimin e legjislacionit në fuqi, si dhe një sërë masash me karakter organizativ, ndërsa përsa i përket shkeljeve të konstatuara në lidhje me ndryshimin apo përcaktimin e kufijve të qendrës historike të qytetit të Tiranës, të cilat janë pasuar me ngjarjen e fundit të prishjes së godinës së Teatrit Kombëtar, KLSH ka paraqitur indicje penale pranë Zyrës së Prokurorisë Tiranë”.
Kallëzim në Prokurori për shembjen e Teatrit ka depozituar më herët dhe “Aleanca për Mbrojtjen e Teatrit”.
