Ish-kryeministri Sali Berisha deklaroi këtë të martë se autoritetet bënë një “lojë të fëlliqur” duke manipuluar shifrat e viktimave me COVID.
“Kam dëgjuar media që ka manipulime të të vdekurve në Serbi, por siguroj publikun se në Shqipëri janë më të mëdha këto manipulime. Sado që u manipuluan shifrat kanë qenë shumë më të larta, si në vdekje, si në infektimeve, duke kufizuar testet. A i keni dëgjuar komunikatat e tyre thonë që ishte me Covid dhe vdiqën nga një sëmundje tjetër. Por nëse nuk i shtyn Covidi ata mund të jetojnë me vite”, tha Berisha në një lidhje me “Skype” me emisionin “Tempora”.
“Tani nuk çel gojën ai që thoshte se do na grijë si mish qeni dhe do të kishte 18 mijë të vdekur. Sot situata është jashtë kontrollit”, shtoi ai.
