Përgatitjet për ditën e verës kanë filluar që në orët e para të mëngjesit. Përgjatë bulevardit “Dëshmorët e Kombit” ishin të shumta kutitë me ballokume nga tregëtarët të cilët kanë ardhur dhe nga Elbasani. Kanë qenë dhe forca të policisë së qarkullimit të cilët janë mbledhur në grupe për të ndarë detyrat si masë e qarkullimit normal të trafikut pasi pjesa e bulevardit do të shërbejë vetëm për qytetarët. Në këtë ditë nuk do të mungojnë aktivitete të ndryshme të organizuara nga Bashkia e Tiranës.
Nëpër tenda tek sheshi “Nënë Tereza” ishte vendosur një qytezë e punimeve artizanale ofron gjithçka për kryeqytetasit.
Edhe pse koha duket se nuk është në favorin e kësaj dite, sërish aktivitetet dhe atmosfera do ta mbysin atë dhe do të bejne që mos ndjehet aspak.
Ndërkohë edhe pemët, përgjatë bulevardit, janë veshr me ngjyra të shumta, ndërsa në sheshin “Nënë Tereza”, bashkia po përgatitet për koncertin që do të mbahet në orën 10.30.
Festivali i balonave, aktivitete sportive, performanca artistike, panair i ushqimeve bio dhe koncerte surprizë, janë aktivitetet që do të mbahen në “Ditën e Verës”.
