Juventusi vazhdon me projektin e saj për përforcimin e mëtejshëm skuadrës. Pas Arthur i cili do t’i bashkohet bardhezinjve në fundin e sezonit, trajneri Maurizio Sarri mund të marrë një tjetër dhuratë të nga drejtuesit e klubit.
David Alaba është emri që pëlqehet shumë nga skuadra torineze. Lojtari polivalent ka një kontratë deri në vitin 2021 me skuadrën bavareze dhe shpeshherë ka lëshuar dhe sinjale largimi nga kampionët e Gjermanisë.
Situata mund të ndryshojë në merkaton e verës. Bavarezët nuk duan të heqin dorë nga lojtari, por mund të jetë dëshira e austriakut që mund të ndryshojë gjithçka. Mbetet për t’u parë nëse do të ketë diçka konkrete.
