Ish-kryeministri Sali Berisha ka publikuar të dhëna të reja, lidhur me atentatin ndaj Fatjon Harushës, në Shkodër, mëngjesin e sotëm.
Në një postim në FB, Berisha shpërndan një mesazh për të cilën tregon se ka shkuar në adresë të tij: Mesazhi, shprehet Berisha, tregon “të dhëna të reja që fsheh narkoplicia për atentatin në Shkodër”.
“Doktor pershendetje nga Shkodra. Atentat Fatjon Harushes dhe nje femre qe ka qen me te. Atentat ne Vukatan ne dalje te shkodres, por jo per qudi Harusha, djali i xhaxhait i Luan Harushes po udhetonte me makinen e drejtoreshes se transportit rrugor shkoder EGLA MIRASHI (e emruar ngs deputetit). Kesaj makine para nje muaji i eshte vendosur tritol por eshte pikasur nga e zonja. Ngjarja nuk po zbardhet dhe kena frik me dal rrugeve ne Shkodër, pardje arme, sot arme. zot na ruaj ku jetojmë. Anonim ju lutem pasi ne shkoder nuk asht jeta e sigurt”, lexohet në mesazhin e publikuar nga ish-kryeministri.
Në njoftimin zyrtar për ngjarjen, Policia informoi se “rreth orës 12:30, në rrugën e fshatit Vukatanë, Shkodër, në rrethana ende të paqarta është qëlluar me armë zjarri në drejtim të mjetit tip ‘Hyundai’, me drejtues shtetasin Fatjon Harusha, 30 vjeç, banues në fshatin Dobraç, Shkodër”.
“Nga të shtënat nuk ka asnjë person të lënduar. Menjëherë në vendngjarje kanë shkuar shërbimet e Policisë dhe grupi hetimor. Si rezultat e veprimeve të shpejta janë shoqëruar disa persona dhe dyshohet se mes tyre mund të jenë edhe autorët e ngjarjes. Vijon krehja e zonës dhe grupi hetimor po vijon punën për fiksimin e çdo prove që mund të shërbejë për sqarimin e rrethanave të ngjarjes dhe identifikimin e autorëve”, thuhej më tej në njoftimin e policisë.
