Mes personave që rezultojnë të prekur me Covid-19 në 24 orët e fundit, është edhe një zyrtare e lartë e Bashkisë së Shkodrës.
Nga raportimet mësohet se E.K ka bërë testin gjatë ditës së djeshme dhe sot ka mësuar se ajo është e infektuar.
Sipas burimeve, ajo ndodhet në gjendje të mirë shëndetësore dhe i vetmi problem është temperatura 37.5.
Zyrtarja ndodhet në karantinë në banesën e saj, ndërsa punonjësit e bashkisë Shkodër po bëjnë tamponët kryesisht ata që kanë patur kontakte me të.
