Kryetari i Partisë Demokratike, Lulzim Basha ka reaguar pas raportimeve në media se, Qeveria po planifikon ti rikthehet taksimit të thjeshtë, duke kërkuar dhe mbështetjen e FMN-së. (Lexo: Strategjia, e bazuar në rekomandimet e FMN, sërish drejt tatimit të sheshtë)
Në një postim në Twitter, Basha shkruan se: “Taksimi Rama” zbrazi xhepat e shqiptarëve, rriti çmimet, uli fuqinë blerëse, falimentoi bizneset dhe solli shkatërrimin e ekonomisë në çdo hallkë të saj.
Raporti i FMN, shton ai, mbështet atë që PD do bëjë realitet: taksimin e thjeshtë dhe transparent.
Kujtojmë se edhe në zgjedhjet e fundit parlamentare, Basha ka mbështetur taksimin e sheshtë, ndërkohë, Rama zgjodhi taksimin progresiv. Strategjia duket se i doli e pasuksesshme pasi kërkon të kthehet te taksimi i sheshtë.
