Partia Demokratike ka përcaktuar kriteret mbi të cilat do të zgjidhen kandidatët për deputet në zgjedhjet e ardhshme, të cilët do të zgjidhen sipas parimit një anëtar një votë.
Boldneës.al disponon të plotë udhëzimin dhe formularët, të cilët në jo pak raste mund të shkaktojnë edhe humor.
P.sh kandidatët duhet të shprehen nëse kanë konsumuar alkool, kur e kanë nisur alkoolin dhe a mendojnë se do të konsumojnë alkool edhe në të ardhmen.
Një tjetër e dhënë ka të bëjë me shokët apo shoqet e Universitetit, për të cilën kandidatët duhet të deklarojë të paktën 3 emra.
Kandidatëve u kërkohet që të plotësojnë në formular edhe emrat e personave që i njohin më mirë, nga rrethi shoqëror, të cilët kandidati duhet t’i njohë për një periudhë së paku 7 vjet.
Gjithashtu në formular, kandidatët duhet të deklarojnë sa fëmijë kanë, por në formular ka vend vetëm për dy fëmijë, ndërkohë që mund të ketë kandidatë që kanë më shumë se dy fëmijë.
Po kështu, kandidatët duhet të plotësojnë në formular nëse kanë qenë ose jo te psikologu apo nëse kanë pasur probleme mendore.
