Saimir Tahiri, ish-ministër i Brendshëm, ka reaguar pas vendimit të Gjykatës së Posaçme të Apelit, e cila riktheu për rigjykim çështjen e tij në shkallën e parë.
“Nuk e prisja kthimin në pikën zero, më vjen turp për detyrat që kam mbajtur, nëse ka edhe një shqiptar të dytë që çështjet e tij zvarriten kështu, sikundër po më ndodh edhe mua.
Vijimi i kësaj historie është i turpshëm. Zvarritja është pa princip, ka 3 vjet që kjo çështje po zvarritet”, tha Tahiri.
Ai tha se ka denoncuar publikisht gjyqtarë dhe prokurorë që kanë shkelur ligjin dhe kjo është bërë jo nën rrogoz, por bazuar në informacionet e punonjëse të policisë që hetonin krime të ndryshme.
“U përballa me drejtësinë si një qytetar i thjeshtë, nuk kam asnjë emocion, beteja fillon nga e para. Ky proces është jeta ime, nuk është një ditë pune si gjithë të tjerat. Do të përballem siç duhet, kokën e kam te supet e mia, në këmbë më mbajnë këmbët e mia”, tha Tahiri.
Tahiri tha se ka luftuar hashashin më shumë se cilido nga të tjerët e marrë bashkë.
“Unë zgjodha rrugën ti them publikut të vërtetën, duke mos fshehur asnjë rrënjë kanabisi”, tha Tahiri.
Ai nuk dha shpjegime se kush e sulmon, apo pse gjyqi i zvarritet, por tha “se mbetet një kampion”.
Nuk ka pafajësi/ Apeli rikthen Tahirin në shkallën e parë, do të rigjykohet
