Një sherr mes dy deputetëve të opozitës së re ka ndodhur gjatë seancës së sotme parlamentare. Protagonistë kanë qenë deputetët Ralf Gjoni dhe Halit Valteri.
Duket se Valteri është prekur nga një fjalim i Gjonit, i cili ndër të tjera tha se “nuk ka hyrë në Parlament nga askush që është në këtë sallë”. Në vijim, Gjoni duke iu drejtuar një deputeti, i tha ta shikonte në sy.
Pasi ka mbaruar fjalën, Gjoni ka shkuar të ulet në vendin e tij, ndërsa Valteri ka shkuar drejt tij, por kanë ndërhyrë deputetë të tjerë që kanë shmangur një përplasje, ndoshta fizike.
Raportohet se në drejtim të Gjonit ka pasur një seri sharjesh dhe fyerjesh.
