Një 49-vjeçar, banues në Tiranë, është vënë në pranga nga Policia e Fierit pasi në mjetin e tij taksi, u gjetën 6 kg kanabis.
“Specialistët për hetimin e narkotikëve në DVP Fier në bashkëpunim me shërbimet e Komisariatit të Policisë Lushnjë, kanë finalizuar operacionin antidrogë të koduar ‘Taksisti’. Në kuadër të këtij operacioni, bazuar në informacione të marra në rrugë operative, u bë arrestimi në flagrancë i shtetasit O. M., 49 vjeç, banues në Tiranë, pasi në vendin e quajtur ‘Pushimi i shoferit’, gjatë kontrollit të automjetit të tij tip ‘Benz’, u gjetën dhe u sekuestrua në cilësinë e provës materiale 6 kg lëndë narkotike canabis sativa”, njoftoi policia.
Ndaj 49-vjeçarit është ngritur akuza për veprën penale “Prodhimi dhe shitja e narkotikëve”.
