Juventusi ka bërë detyrën në transfertë kundër Bolognas duke fituar me rezultatin 0-2. Të besuarit e trajneri Maurizio Sarri zgjidhën gjithçka në pjesën e parë me anë të Ronaldos dhe Dybalasë.
Momenti vendimtar i sfidës ishte penalltia e akorduar nga gjyqtari kryesor me ndihmën e VAR-it në favor të Juventusit në minutën e 23′. Cristiano Ronaldo mori përsipër ekzekutimin e saj dhe nuk gaboi.
Juvja nuk ndali sulmet dhe arriti të dyfishonte me Dybalanë në të 36′. Argjentinasi shfrytëzoi mirë një pasim të Bernadeschit me finte dhe shënoi për 0-2. Ndeshja u mbyll me rezultatin 0-2 me Juventusin që e mbylli me 10 lojtarë pas kartonit të kuq të Danilos. “Zonja e Vjetër” mori 3 pikë që e mbajnë në krye të klasifikimit.
Në ndeshjet e tjera të zhvilluara dje, Milani mundi 1-4 Leçen, ndërsa Fiorentina e Breshia u ndanë në barazim 1-1.
Seria A/ Milani 4 gola në transfertë Leçes pa Ibrën, Fiorentina barazon me Breshian
