Manchester United luajti mbrëmjen e djeshme ndeshjen e parë pas tre muajve pauze. “Djajtë e Kuq” barazuan në transfertën e Tottenham me rezultatin 1-1.
Steven Bergwijn me një goditje të fortë shënoi për vendasit, ndërsa Bruno Fernandes barazoi shifrat 10 minuta para fundit të ndeshjes.
Por edhe në këtë takim kritika të mëdha ka pasur për portierin spanjoll David De Gea që nuk arriti dot ta pres goditjen e Bergëijn.
Ka qenë legjenda e Manchester United, Roy Keane që e ka kritikuar ashpër publikisht portierin spanjoll. Legjenda e Man.United, gjithashtu ka kritikuar edhe qendërmbrojtësin Harry Maguire për paraqitjen e mbrëmjes së djeshme.
“Nuk do të lejoja që Maguire dhe De Gea të kthehen me autobusin e skuadrës për në Manchester. Do t’i lija të shkonin me taksi”, tha fillimisht Keane.
“Jam lodhur nga De Gea. Do të kapesha me të sikur të isha tani në Manchester. Do ta godisja me shpulla. Ai është portieri më i mbivlerësuar që kamë parë ndonjëherë”, ishte reagimi i ashpër i ish-kapitenit të United për portierin spanjoll.
