Numri i të prekurve aktivë me Covid-19 në të gjithë vendin ka arritur në 722 persona, 50 % e të cilëve ndodhen në Tiranë.
Në 24 orët e fundit, Ministria e Shëndetësisë bëri të ditur zbulimin e 53 rasteve, ndërkohë që një paciente e shtruar në Infektiv ka humbur jetën duke e çuar në 43 numrin e viktimave.
Në spitalin Infektiv ndodhen të shtruar 63 pacientë, mes tyre edhe mosha të reja, 30-40 vjeç.
Gjendja e pacientëve të shtruar në Infektiv paraqitet relativisht e stabilizuar, por 7 ndodhen në terapi intensive, ndërsa dy të intubuar.
Shpërndarja gjeografike e rasteve aktive sipas qarqeve:
Tiranë 336
Durrës 143
Shkodër 116
Vlorë 49
Fier 31
Lezhë 14
Korçë 13
Elbasan 10
Kukës 7
Gjirokastër 2
Berat 1.
