Një 38-vjeçar shqiptar është arrestuar nga karabinierët e Artogne, që kanë ekzekutuar një urdhër gjykate ndaj tij.
I arrestuari ësht Taulant Sallaku, i cili sipas mediave italiane, ishte dënuar në shkallë të parë, në shkurt të vitit 2020, me 8 vjet dhe 8 muaj burg për pjesëmarrëje në organizantë kriminale, që synonin trafikimin e lëndëve narkotike.
Ndërhyrja e policisë kishte bërë të mundur prishjen e një partneriteti kriminal, të përbërë nga shtetas italianë dhe shqiptarë, të cilët trafikonin kokainë dhe heroinë.
Por thuhet se pas dënimit të shkallës së parë Sallaku ishte liruar. Ndërkohë, Gjykata e Brescia, pasi kishte vlerësuar personalitetin e personit të dënuar dhe duke marrë parasysh rrezikun e lartë të përsëritjes së sjelljes së paligjshme, nxori një urdhër të ri për mbajtjen e tij në paraburgim.
38-vjeçari pas arrestimit nga karabinierët u dërgua në burgun e Kantonit, Mombello.
