Policia ka zbardhur detajet lidhur me ngarjen e rënëdë të regjistruar mbrëmjen e djeshme në Vlorë, ku mbeti i vrarë 25-vjeçari Aleksandër Petanaj.
Mësohet se ai ka mbërritur rreth orës 22:50, i plagosur në spitalin e Vlorës dhe ka ndërruar jetë pak orë më vonë.
Sipas burimeve zyrtare autori është shtetasi G. T., 15 vjeç, banues në Vlorë, i cili ka përfunduar pas hekurave.
“Ngjarja ka ndodhur në lagjen “24 Maji” Vlorë, pranë vendit të quajtur “Ish-ushqimores”, ku pas një konflikti për motive të dobëta, shtetasi G. T. ka goditur me mjet prerës (thikë) shtetasin Aleksandër Petanaj, i cili ndërroi jetë rreth 4 orë më vonë në ambientet e spitalit.” thuhet në njoftimin e policisë.
25-vjeçari sipas burimeve mbeti i vrarë pasi ndërhyri për të mbrojtur vëllain e tij 18-vjeç në një konflikt mes disa të rinjëve.
Grupi hetimor po kryen veprimet e mëtejshme në lidhje me ngjarjen e ndodhur.
